Oliver Hämmerle
AFV-Allrounder
Im 2002 d'Lehr als Elektromonteur (hüt Eletroinstallateur gnennt) im Service abgschlosse, bini ufd Kundschaft losgloh worde. Ich ha viel Erfahrige könne Sammle im Umgang mit dr Kundschaft, organisiere und bim verantwortigsvolle selbststädige arbeite. Do isch's mir bsunders wichtig asd Kunde immer zfriede mitem Ergäbnis sin. Au d'Kommunikation isch öbis ganz Essentiells und ligt mir fescht am Herze. Offe, ehrlich , unkompliziert, direkt isch do mis Motto. D'Menschlichkeit dörf au net fähle, was mit au e Grund gsi isch worum ich e Zit lang mit Handicapierte zämme gschafft ha und au einigi Joor in dr Medizintechnik Grät pfüeft und gwartet ha.
Ich bi scho immer handwärklich begabt gsi und ha verschiedenschdi Projäkt realisert. Mit Metal, Plastik, Holz, Stei, Erde, Pflanze, Wasser, Füür, Luft und Elektrone bini i mim Element kreativs z'erschaffe.
Die hütig Welt wird leider immer hecktischer und unpersöhnlicher. Alles muess no schneller goh und am beschte scho vorgest fertig gsi si. Do liedet d'Qualität unheimlig drunter was ich vo Joor zu Joor meh um mi umme wohrnimm. Ich möcht däm entgege wirke. Drum ha ich ahfangs 24 beschlosse mi mit 42 Joor alt als Allrounder selbstständig zmache.
Vo Mensch zu Mensch.
